ठाणे महानगरपालिकेत राष्ट्रवादी काँग्रेस शरदचंद्र पवार पक्षाच्या ‘गटनेता’ कार्यालयाचे उद्घाटन
ठाणे : Abhijeet Ankush Pawar यांच्या ठाणे महानगरपालिकेतील ‘गटनेता’ कार्यालयाचा उद्घाटन सोहळा उत्साहपूर्ण वातावरणात पार पडला. राष्ट्रवादी काँग्रेस पार्टी शरदचंद्र पवार पक्षाची ठाण्यातील ताकद अधिक मजबूत करण्याच्या दृष्टीने हे महत्त्वाचे पाऊल असल्याचे प्रदेशाध्यक्ष Shashikant Shinde यांनी सांगितले.
या नव्या कार्यालयाच्या माध्यमातून ठाणेकरांच्या समस्या सोडवण्यासाठी तसेच शहराच्या विकासाला गती देण्यासाठी प्रभावी कामकाज होईल, असा विश्वास व्यक्त करण्यात आला. लोकशाही व्यवस्थेतील जनसंपर्काचे महत्त्वपूर्ण केंद्र म्हणून हे कार्यालय पुढे कार्यरत राहील, असेही यावेळी नमूद करण्यात आले.
कार्यक्रमाला आमदार Jitendra Awhad, ठाणे जिल्हाध्यक्ष मनोज प्रधान, कार्याध्यक्ष प्रकाश पाटील, विरोधी पक्षनेते अशरफ शानू पठाण, नगरसेवक यासीन कुरेशी, नगरसेविका मनिषा भगत, दीपाली भगत, मर्जिया पठाण, समाजसेविका पूजा शिंदे विचारे, तुळशीराम साळवे यांच्यासह पक्षाचे पदाधिकारी आणि कार्यकर्ते मोठ्या संख्येने उपस्थित होते.
यावेळी पक्ष संस्थापक Sharad Pawar यांच्या मार्गदर्शनाखाली सर्वसामान्यांच्या हितासाठी एकजुटीने काम करण्याचा निर्धार व्यक्त करण्यात आला.