पुणे विषारी दारू प्रकरण : २३ जणांच्या मृत्यूनंतर २२ अधिकारी निलंबित
पुणे विषारी दारू प्रकरण : २३ जणांच्या मृत्यूनंतर २२ अधिकारी निलंबित
पुणे, दि. १ जून : पुणे आणि पिंपरी-चिंचवड परिसरातील विषारी दारू दुर्घटनेत २३ जणांचा मृत्यू झाल्यानंतर प्रशासनाने कठोर पाऊल उचलत पुणे पोलीस, पिंपरी-चिंचवड पोलीस आणि राज्य उत्पादन शुल्क विभागातील एकूण २२ अधिकाऱ्यांना निलंबित केले आहे.
अवैध दारू विक्री आणि निर्मितीच्या कारवायांवर नियंत्रण ठेवण्यात निष्काळजीपणा तसेच कर्तव्यात कसूर केल्याचा ठपका या अधिकाऱ्यांवर ठेवण्यात आला आहे. दुर्घटनेनंतर अवघ्या दुसऱ्याच दिवशी ही कारवाई करण्यात आल्याने प्रशासनाने या प्रकरणाची गंभीर दखल घेतल्याचे स्पष्ट झाले आहे.
तपास यंत्रणांच्या प्राथमिक माहितीनुसार, फुगेवाडी, दापोडी आणि हडपसर परिसरात मिथेनॉलमिश्रित विषारी दारूची विक्री करण्यात आली होती. ही दारू सेवन केल्यामुळे २३ जणांचा मृत्यू झाल्याचा संशय व्यक्त करण्यात येत आहे. या प्रकरणाचा सखोल तपास सुरू असून दोषींविरुद्ध कठोर कारवाई केली जाणार आहे.
दरम्यान, पुणे पोलिसांनी हडपसर पोलीस ठाण्यातील तीन अधिकाऱ्यांना निलंबित केले असून पिंपरी-चिंचवड पोलिसांनी दापोडी पोलीस ठाण्यातील सहा कर्मचाऱ्यांवर निलंबनाची कारवाई केली आहे. याशिवाय राज्य उत्पादन शुल्क विभागातील संबंधित अधिकाऱ्यांनाही निलंबित करण्यात आले आहे.
अवैध दारूच्या कारवाया रोखण्यात अपयशी ठरल्याचा आरोप असलेल्या अधिकाऱ्यांविरुद्ध विभागीय चौकशी सुरू करण्यात आली असून त्यांच्या जबाबदाऱ्यांची तपासणी केली जात आहे. विषारी दारू प्रकरणामुळे राज्यभरात खळबळ उडाली असून अशा घट
