जागतिक पर्यावरण दिनानिमित्त वृक्षारोपण व सीड बॉल प्रशिक्षण कार्यक्रम उत्साहात

जागतिक पर्यावरण दिनानिमित्त वृक्षारोपण व सीड बॉल प्रशिक्षण कार्यक्रम उत्साहात

जागतिक पर्यावरण दिनानिमित्त सातारा जिल्ह्यातील कोडोली येथील एकीकृत रोपवाटिका तसेच खंडाळा तालुक्यातील शिरवळ रोपवाटिकेत वृक्ष लागवड आणि सीड बॉल (Seed Ball) तयार करण्याबाबत विशेष प्रशिक्षण कार्यक्रम आयोजित करण्यात आला.

कार्यक्रमादरम्यान विद्यार्थ्यांना स्थानिक वृक्षांच्या बियांची ओळख करून देण्यात आली. पर्यावरण संवर्धनाचे महत्त्व पटवून देत बियाण्यांपासून सीड बॉल तयार करण्याचे प्रात्यक्षिकही दाखविण्यात आले.

यावेळी विद्यार्थ्यांनी उत्स्फूर्त सहभाग नोंदवत वृक्षसंवर्धन आणि जैवविविधतेच्या जतनाबाबत माहिती घेतली. तसेच प्रत्यक्ष वृक्षारोपण करून पर्यावरण संरक्षणाचा संदेश देण्यात आला.

विद्यार्थ्यांच्या सहभागातून वृक्षारोपण कार्यक्रमाची सांगता करण्यात आली. पर्यावरण संवर्धनासाठी जनजागृती निर्माण करण्याच्या उद्देशाने आयोजित करण्यात आलेल्या या उपक्रमाचे सर्व स्तरातून स्वागत करण्यात आले.