कोकण रेल्वेत प्रतिबंधात्मक आरोग्यसेवेला चालना; रत्नागिरीत क्षयरोग, मधुमेह व उच्च रक्तदाब तपासणी शिबिर
कोकण रेल्वेत प्रतिबंधात्मक आरोग्यसेवेला चालना; रत्नागिरीत क्षयरोग, मधुमेह व उच्च रक्तदाब तपासणी शिबिर
रत्नागिरी, दि. ३० : कोकण रेल्वेच्या कर्मचारी व त्यांच्या कुटुंबीयांच्या आरोग्याची काळजी घेण्यासाठी प्रतिबंधात्मक आरोग्यसेवेला प्रोत्साहन देत रत्नागिरी येथील कोकण रेल्वे आरोग्य युनिटमध्ये क्षयरोग (TB), मधुमेह आणि उच्च रक्तदाब तपासणी शिबिराचे आयोजन करण्यात आले.
२७ जून २०२६ रोजी आयोजित या शिबिराचा उद्देश कर्मचारी आणि त्यांच्या कुटुंबीयांची वेळेवर आरोग्य तपासणी करून आजारांचे प्रारंभिक टप्प्यात निदान करणे तसेच योग्य उपचारांद्वारे उत्तम आरोग्य परिणाम साध्य करणे हा होता.
या शिबिरामध्ये क्षयरोग, मधुमेह आणि उच्च रक्तदाब यांसारख्या जीवनशैलीशी संबंधित तसेच संसर्गजन्य आजारांची तपासणी करण्यात आली. नियमित आरोग्य तपासणीमुळे गंभीर आजारांचे लवकर निदान होऊन उपचार अधिक प्रभावी ठरतात, याबाबतही सहभागी कर्मचाऱ्यांना मार्गदर्शन करण्यात आले.
कोकण रेल्वे प्रशासनाकडून कर्मचारी आणि त्यांच्या कुटुंबीयांसाठी अशा प्रतिबंधात्मक आरोग्य उपक्रमांचे नियमित आयोजन करून निरोगी जीवनशैलीला प्रोत्साहन दिले जात असल्याचे यावेळी सांगण्यात आले.
