सिंधुदुर्गनगरीत विशेष आरोग्य शिबिराची पाहणी; गुणवत्तापूर्ण आरोग्य सेवेबाबत समाधान

सिंधुदुर्गनगरीत विशेष आरोग्य शिबिराची पाहणी; गुणवत्तापूर्ण आरोग्य सेवेबाबत समाधान

सिंधुदुर्गनगरी, दि. २३ : स्वर्गीय उपमुख्यमंत्री कै. अजितदादा पवार यांच्या स्मृतिप्रीत्यर्थ तसेच मुख्यमंत्री देवेंद्र फडणवीस यांच्या वाढदिवसानिमित्त राज्यभर आयोजित विशेष आरोग्य शिबिरांच्या उपक्रमांतर्गत सिंधुदुर्गनगरी येथील शासकीय वैद्यकीय महाविद्यालयात भरविण्यात आलेल्या विशेष आरोग्य शिबिराची पाहणी करण्यात आली.

या उपक्रमाच्या माध्यमातून नागरिकांमध्ये आरोग्याविषयी जनजागृती करण्याबरोबरच दर्जेदार व सर्वसमावेशक आरोग्य सेवा उपलब्ध करून देण्यावर भर देण्यात आला आहे. शिबिरात विविध तज्ज्ञ डॉक्टरांमार्फत रुग्णांची तपासणी, सल्ला व उपचार सुविधा उपलब्ध करून देण्यात आल्या.

शिबिराची पाहणी करताना सिंधुदुर्ग जिल्ह्यातील रुग्णांना गुणवत्तापूर्ण व तज्ज्ञ आरोग्य सेवा उपलब्ध होत असल्याबद्दल समाधान व्यक्त करण्यात आले. ग्रामीण व दुर्गम भागातील नागरिकांपर्यंत आरोग्य सेवा प्रभावीपणे पोहोचविण्यासाठी अशा शिबिरांचे महत्त्व अधोरेखित करण्यात आले.

यावेळी शासकीय वैद्यकीय महाविद्यालयाचे अधिष्ठाता डॉ. अनंत दवंगे, जिल्हा शल्यचिकित्सक डॉ. श्रीपाद पाटील, भाई सावंत, जिल्हा परिषद सदस्या सौ. सुप्रिया वालावलकर, छोटू पारकर तसेच इतर मान्यवर उपस्थित होते.