नवी मुंबईत आरपीआय (आ) ला मोठा धक्का; दिघा कार्याध्यक्ष अनिल अंगरख यांचा वंचित बहुजन आघाडीत प्रवेश

नवी मुंबईत आरपीआय (आ) ला मोठा धक्का; दिघा कार्याध्यक्ष अनिल अंगरख यांचा वंचित बहुजन आघाडीत प्रवेश

बाळासाहेब आंबेडकर व प्रदेशाध्यक्ष राजेंद्र पातोडे यांच्या उपस्थितीत पक्षप्रवेश; कार्यकर्त्यांचाही मोठा सहभाग

नवी मुंबई : नवी मुंबईच्या राजकीय वर्तुळात महत्त्वाची घडामोड घडली असून रिपब्लिकन पक्ष ऑफ इंडिया (आ) गटाला मोठे खिंडार पडले आहे. दिघा विभागाचे कार्याध्यक्ष अनिल अंगरख यांनी ४ ऑगस्ट रोजी वंचित बहुजन आघाडीत जाहीर प्रवेश केला. या पक्षप्रवेशामुळे नवी मुंबईतील राजकीय समीकरणांवर चर्चा सुरू झाली आहे.

वंचित बहुजन आघाडीचे राष्ट्रीय अध्यक्ष Prakash Ambedkar यांचे मार्गदर्शन तसेच प्रदेशाध्यक्ष राजेंद्र पातोडे यांच्या उपस्थितीत हा पक्षप्रवेश सोहळा पार पडला. अनेक वर्षांपासून दिघा परिसरात आरपीआय (आ) च्या माध्यमातून सामाजिक व राजकीय क्षेत्रात सक्रिय असलेले अनिल अंगरख यांनी पक्ष बदलल्याने आरपीआय (आ) साठी हा मोठा धक्का मानला जात आहे.

पक्षप्रवेशानंतर बोलताना अनिल अंगरख म्हणाले, “गोरगरीब, वंचित, दलित आणि सर्वसामान्यांच्या न्याय हक्कासाठी प्रभावीपणे लढणारा पर्याय म्हणून वंचित बहुजन आघाडीचा विचार मला पटला. आदरणीय प्रकाश आंबेडकर यांच्या नेतृत्वावर विश्वास ठेवून मी आज या कुटुंबात प्रवेश करत आहे. दिघा परिसरातील सामाजिक प्रश्नांसाठी अधिक जोमाने काम करणार आहे.”

यावेळी वंचित बहुजन आघाडीच्या पदाधिकाऱ्यांनी अंगरख यांचे स्वागत करताना सांगितले की, तळागाळात काम करणाऱ्या कार्यकर्त्यांच्या पक्षप्रवेशामुळे नवी मुंबईत वंचित बहुजन आघाडीची ताकद आणखी वाढणार आहे.

विशेष म्हणजे अनिल अंगरख यांच्यासोबत त्यांच्या असंख्य समर्थक व कार्यकर्त्यांनीही वंचित बहुजन आघाडीत प्रवेश केला. त्यामुळे आगामी स्थानिक राजकारणात या घडामोडीचे परिणाम दिसून येण्याची शक्यता व्यक्त होत आहे.

या कार्यक्रमाला प्रदेशाध्यक्ष राजेंद्र पातोडे, नवी मुंबई जिल्हाध्यक्ष अश्वजित जगताप, महिला जिल्हाध्यक्षा शिल्पाताई रणदिवे, महासचिव मल्लिनाथ सोनकांबळे, प्रसिद्धी प्रमुख संदीप वाघमारे, तालुका अध्यक्ष राजेश भालेराव तसेच पल्लवी शिंदे, विक्रांत कांबळे, सुरेश शिवशरण, महेश बनसोडे, विजय चंदनशिवे, रुपेश तोगरे, संभाजी वाघमारे, उमेश गायकवाड, सतीश शिवशरण, दिनेश गुप्ता, सुभाष गायकवाड, अनिल मुंदिनकेरी, सिद्राम कांबळे यांच्यासह अनेक पदाधिकारी व कार्यकर्ते उपस्थित होते.