मुख्यमंत्री देवेंद्र फडणवीस यांनी कोराडीच्या महालक्ष्मी जगदंबा मातेचे घेतले दर्शन
मुख्यमंत्री देवेंद्र फडणवीस यांनी कोराडीच्या महालक्ष्मी जगदंबा मातेचे घेतले दर्शन
दुष्काळाचा सामना करण्यासाठी शासन सज्ज; शेतकऱ्यांना संकटाचा सामना करण्याची शक्ती मिळावी, अशी प्रार्थना
नागपूर :
नवरात्रोत्सवानिमित्त मुख्यमंत्री देवेंद्र फडणवीस यांनी नागपूर जिल्ह्यातील कोराडी येथील श्री महालक्ष्मी जगदंबा मंदिरात जाऊन देवीचे दर्शन घेतले. महाराष्ट्रातील दुष्काळाच्या पार्श्वभूमीवर राज्याला या संकटाचा सामना करण्याची शक्ती मिळावी, तसेच शेतकऱ्यांना प्रतिकूल परिस्थितीवर मात करण्याचे बळ मिळावे, असे साकडे त्यांनी देवीकडे घातले.
राज्यात दुष्काळाची परिस्थिती निर्माण झाल्याच्या पार्श्वभूमीवर या संकटाचा सामना करण्यासाठी शासन सज्ज असल्याचे मुख्यमंत्री देवेंद्र फडणवीस यांनी सांगितले. शेतकऱ्यांना संकटाचा सामना करण्यासाठी शक्ती मिळावी आणि त्यांना दिलासा मिळावा, अशी प्रार्थनाही त्यांनी यावेळी केली.
दर्शनानंतर मुख्यमंत्री फडणवीस यांनी मंदिरात उपस्थित असलेल्या भाविकांना नवरात्रोत्सवाच्या शुभेच्छा दिल्या. नवरात्रोत्सवाच्या निमित्ताने कोराडी येथील श्री महालक्ष्मी जगदंबा मंदिरात भाविकांची उपस्थिती होती.
यावेळी मंदिर व्यवस्थापनाच्या वतीने मुख्यमंत्री देवेंद्र फडणवीस यांचा सत्कार करण्यात आला. या प्रसंगी पालकमंत्री चंद्रशेखर बावनकुळे, गृह राज्यमंत्री पंकज भोयर, आमदार परिणय फुके, आमदार डॉ. राजीव पोतदार आदी मान्यवर उपस्थित होते.
