मंत्री योगेश कदम यांच्याकडून दापोलीतील नवरात्रोत्सव मंडळांना भेटी; देवीमातेचे घेतले दर्शन

मंत्री योगेश कदम यांच्याकडून दापोलीतील नवरात्रोत्सव मंडळांना भेटी; देवीमातेचे घेतले दर्शन

दापोली :

नवरात्रोत्सवानिमित्त मंत्री योगेश कदम यांनी दापोली तालुक्यातील विविध मंदिरांना आणि सार्वजनिक नवरात्रोत्सव मंडळांना भेटी देऊन देवीमातेचे मनोभावे दर्शन घेतले. यावेळी त्यांनी उपस्थित भाविकांशी संवाद साधत सर्वांना नवरात्रोत्सवाच्या शुभेच्छा दिल्या.

मंत्री योगेश कदम यांनी दापोली येथील श्री काळकाई देवी मंदिर तसेच कुंबळे येथील श्री महालक्ष्मी मंदिरात जाऊन देवीमातेचे दर्शन घेतले. यानंतर पन्हळी खुर्द येथील कुणबी समाज सभागृह आणि मराठा समाज सभागृहात पन्हळी खुर्द ग्रामस्थ मंडळ, महिला मंडळ व मुंबई मंडळ यांच्या वतीने आयोजित सार्वजनिक नवरात्रोत्सव मंडळांनाही त्यांनी भेट दिली.

या भेटीदरम्यान देवीमातेचे दर्शन घेत त्यांनी उपस्थित भाविकांशी संवाद साधला आणि नवरात्रोत्सवाच्या हार्दिक शुभेच्छा दिल्या. या भेटींमुळे उत्सवाच्या धार्मिक आणि सामाजिक वातावरणात उत्साहाचे वातावरण निर्माण झाले.