कणकवली रेल्वे स्थानकावर अद्ययावत सिग्नल यंत्रणेचा शुभारंभ; लिफ्ट सुविधेचे काम सुरू

0
8
कणकवली रेल्वे स्थानकावर अद्ययावत सिग्नल यंत्रणेचा शुभारंभ; लिफ्ट सुविधेचे काम सुरू
कणकवली रेल्वे स्थानकावर अद्ययावत सिग्नल यंत्रणेचा शुभारंभ; लिफ्ट सुविधेचे काम सुरू

कणकवली रेल्वे स्थानकावर अद्ययावत सिग्नल यंत्रणेचा शुभारंभ; लिफ्ट सुविधेचे काम सुरू

अद्ययावत सिग्नल यंत्रणेचा पालकमंत्री नितेश राणे यांच्या हस्ते शुभारंभ; प्रवाशांसाठी लिफ्ट सुविधेच्या कामालाही सुरुवात

कणकवली :
कणकवली रेल्वे स्थानकाच्या आधुनिकीकरणाच्या दृष्टीने महत्त्वाचे पाऊल उचलण्यात आले आहे. सिंधुदुर्ग जिल्ह्याचे पालकमंत्री नितेश राणे यांच्या हस्ते रेल्वे स्थानकावरील अद्ययावत सिग्नल यंत्रणेचा शुभारंभ करण्यात आला. या आधुनिक यंत्रणेमुळे रेल्वे वाहतूक अधिक सुरक्षित, सुरळीत आणि कार्यक्षम होण्यास मदत होणार आहे.

रेल्वे स्थानकावर येणाऱ्या प्रवाशांसह ज्येष्ठ नागरिकांची सोय लक्षात घेऊन लिफ्ट सुविधेच्या कामाचाही शुभारंभ यावेळी करण्यात आला. या सुविधेमुळे ज्येष्ठ नागरिक, दिव्यांग प्रवासी तसेच सामानासह प्रवास करणाऱ्या नागरिकांना फलाटावर ये-जा करणे अधिक सोयीचे होणार आहे.
या कार्यक्रमाला मंडल रेल्वे व्यवस्थापक शैलेश बापट यांच्यासह रेल्वे विभागाचे अधिकारी, लोकप्रतिनिधी आणि विविध पदाधिकारी उपस्थित होते. सिग्नल यंत्रणेचे आधुनिकीकरण आणि लिफ्ट सुविधेच्या कामामुळे कणकवली रेल्वे स्थानकाच्या प्रवासी सुविधांमध्ये सुधारणा होण्याची अपेक्षा व्यक्त होत आहे.

LEAVE A REPLY

Please enter your comment!
Please enter your name here