Job SECL भरती २०२६ जाहीर
१,०५५ जागांसाठी १५ एप्रिलपासून अर्ज सुरू
नवी दिल्ली (प्रतिनिधी): सरकारी क्षेत्रात नोकरीची संधी शोधणाऱ्या उमेदवारांसाठी मोठी संधी उपलब्ध झाली आहे. साऊथ ईस्टर्न कोलफिल्ड्स लिमिटेड (SECL) ने मायनिंग सरदार, डेप्युटी सर्वेअर आणि असिस्टंट फोरमन पदांसाठी भरती २०२६ ची अधिसूचना प्रसिद्ध केली आहे.
या थेट भरती मोहिमेद्वारे SECL च्या विविध खाणी व आस्थापनांमध्ये एकूण १,०५५ रिक्त जागा भरण्यात येणार आहेत. यामध्ये मायनिंग सरदार – ५७७, डेप्युटी सर्वेअर – ४३ आणि असिस्टंट फोरमन (इलेक्ट्रिकल) – ४३५ पदांचा समावेश आहे.
ऑनलाइन अर्ज प्रक्रिया १५ एप्रिल २०२६ पासून सुरू होणार असून अर्ज करण्याची अंतिम तारीख १४ मे २०२६ निश्चित करण्यात आली आहे. इच्छुक व पात्र उमेदवारांनी निर्धारित कालावधीत अर्ज सादर करावा.
या भरतीसाठी उमेदवारांनी वयोमर्यादा, शैक्षणिक व तांत्रिक पात्रता, वेतनश्रेणी, अर्ज शुल्क तसेच निवड प्रक्रियेबाबतची सविस्तर माहिती अधिकृत अधिसूचनेतून तपासणे आवश्यक आहे. निवड प्रक्रिया गुणवत्तेच्या आधारे करण्यात येणार असून संबंधित पदांसाठी आवश्यक कौशल्यांना प्राधान्य दिले जाईल.
खाण क्षेत्रात करिअर घडवू इच्छिणाऱ्या उमेदवारांसाठी ही उत्तम संधी असून, पात्र उमेदवारांनी वेळेत अर्ज करून या संधीचा लाभ घ्यावा, असे आवाहन करण्यात आले आहे.