Navi Mumbai Municipal Corporation सरळसेवा भरती 2025-26; अर्जाची मुदत 15 एप्रिलपर्यंत वाढ
नवी मुंबई : Navi Mumbai Municipal Corporation (NMMC) तर्फे सरळसेवा भरती 2025-2026 संदर्भात महत्त्वाचे सूचनापत्र जाहीर करण्यात आले आहे. यानुसार ऑनलाइन अर्ज सादर करण्याची मुदत वाढवण्यात आली आहे.
पूर्वी जाहीर केल्याप्रमाणे अर्ज सादर करण्याची अंतिम तारीख १ मार्च २०२६ होती. मात्र उमेदवारांच्या सोयीसाठी ही मुदत वाढवून आता १५ एप्रिल २०२६ रोजी रात्री ११.५५ वाजेपर्यंत करण्यात आली आहे.
या भरती अंतर्गत गट-अ, गट-ब आणि गट-क संवर्गातील विविध पदांसाठी भरती प्रक्रिया राबविण्यात येत आहे. अर्ज प्रक्रिया पूर्ण करण्यासाठी उमेदवारांनी १५ एप्रिलपर्यंत ऑनलाइन शुल्क भरणे अनिवार्य आहे. निर्धारित वेळेनंतर भरलेले शुल्क ग्राह्य धरले जाणार नाही तसेच शुल्काची परतफेडही केली जाणार नाही, असे स्पष्ट करण्यात आले आहे.
महत्त्वाचे म्हणजे, १४ डिसेंबर २०२५ रोजी प्रसिद्ध झालेल्या मूळ जाहिरातीतील तसेच १९ जानेवारी २०२६ रोजी प्रसिद्ध शुद्धीपत्रकातील इतर अटी व शर्ती कायम ठेवण्यात आल्या आहेत.
उमेदवारांनी अधिकृत संकेतस्थळावर जाऊन सविस्तर माहिती वाचून अर्ज करावा, असे आवाहन प्रशासनाकडून करण्यात आले आहे.