YASHADA मध्ये “New Alphabets of Health” विषयावर प्रेरणादायी व्याख्यान
पुणे : YASHADA येथे “New Alphabets of Health” या विषयावर बुधवार, ६ मे २०२६ रोजी संवाद सभागृहात विशेष व्याख्यानाचे आयोजन करण्यात आले. या कार्यक्रमासाठी प्रख्यात तज्ज्ञ Dr. Jagdish Hiremath हे प्रमुख वक्ते म्हणून उपस्थित होते.
सकाळी ९.३० वाजता सुरू झालेल्या या कार्यक्रमात यशदातील प्रशिक्षणार्थी, अधिकारी आणि कर्मचाऱ्यांनी उत्स्फूर्त सहभाग घेतला. आपल्या मार्गदर्शनात डॉ. हिरेमठ यांनी आधुनिक जीवनशैलीत आरोग्य जपण्याचे महत्त्व अधोरेखित करत आहार, व्यायाम, मानसिक स्वास्थ्य, तणाव व्यवस्थापन आणि सकारात्मक विचारसरणी यांचे प्रभावी विश्लेषण केले.
दैनंदिन जीवनात छोटे बदल करून आरोग्यदायी सवयी कशा विकसित कराव्यात याबाबत त्यांनी उपयुक्त मार्गदर्शन केले. उपस्थितांनीही चर्चेत सक्रिय सहभाग घेत व्याख्यानाला उत्स्फूर्त प्रतिसाद दिला.
आभार प्रदर्शनाने कार्यक्रमाची सांगता झाली. हा उपक्रम आरोग्याबाबत जनजागृती निर्माण करणारा आणि प्रेरणादायी ठरल्याची भावना उपस्थितांनी व्यक्त केली.