“आपत्कालीन हेल्पलाईन ११२ वर त्वरित संपर्क साधा” – महाराष्ट्र पोलिसांचे जनजागृती अभियान
🔥 दैनिक सिंधुदुर्ग समाचार
मुंबई : प्रतिनिधी
नागरिकांच्या सुरक्षेसाठी महाराष्ट्र पोलीस यांनी ११२ या आपत्कालीन हेल्पलाईन क्रमांकाबाबत जनजागृती मोहीम सुरू केली आहे. “अनोळखी व्यक्तीला घाबरू नका, फक्त ११२ वर संपर्क साधा” असा संदेश देणारे पोस्टर प्रसिद्ध करण्यात आले आहे.
या मोहिमेद्वारे नागरिकांनी कोणतीही संशयास्पद किंवा आपत्कालीन परिस्थिती निर्माण झाल्यास त्वरित ११२ या क्रमांकावर संपर्क साधावा, असे आवाहन करण्यात आले आहे. विशेषतः महिलांच्या सुरक्षेच्या दृष्टीने हा हेल्पलाईन क्रमांक अत्यंत महत्त्वाचा असून, कोणत्याही धोक्याच्या प्रसंगी त्वरित मदत मिळवण्यासाठी नागरिकांनी याचा वापर करावा, असेही पोलिसांकडून सांगण्यात आले.
या उपक्रमामुळे नागरिकांमध्ये सुरक्षा जागरूकता वाढण्यास मदत होणार असून, संकटाच्या वेळी पोलिसांशी जलद संपर्क साधणे अधिक सुलभ होणार आहे.