आळंदी नगरपरिषदेत भाजपचा दणदणीत विजय
आळंदी नगरपरिषदेच्या निवडणुकीत भारतीय जनता पक्षाने २१ पैकी १५ जागा जिंकत नगराध्यक्षपदावरही आपला झेंडा फडकवला आहे. उत्तर पुणे जिल्ह्यातील राजकीय घडामोडींमध्ये हा विजय एक महत्त्वाचा टप्पा मानला जात आहे.
या निकालानंतर भाजपचे आमदार व उत्तर पुणे जिल्हा निवडणूक प्रभारी महेश लांडगे यांनी मतदारांचे आभार मानले. हा कौल म्हणजे विकासकेंद्रित, सक्षम आणि लोकाभिमुख प्रशासनासाठी जनतेने दिलेला स्पष्ट संदेश असल्याचे त्यांनी सांगितले.