उरणमध्ये राष्ट्रवादी काँग्रेसतर्फे भव्य दहीहंडी उत्सव उत्साहात

उरणमध्ये राष्ट्रवादी काँग्रेसतर्फे भव्य दहीहंडी उत्सव उत्साहात

राष्ट्रवादी काँग्रेस पार्टी, शरदचंद्र पवार पक्ष उरण पुरस्कृत आणि आधार सावली फाउंडेशन, उरण यांच्या वतीने आयोजित भव्य दहीहंडी उत्सव २०२६ मोठ्या उत्साहात, जल्लोषात आणि थाटामाटात संपन्न झाला.

भगवान श्रीकृष्णाच्या भक्तीमय वातावरणात झालेल्या या उत्सवाला रायगड जिल्ह्यासह नवी मुंबई व परिसरातील ६० हून अधिक दहीहंडी पथकांनी नोंदणी करून उत्स्फूर्त सहभाग नोंदवला. विविध गोविंदा पथकांनी सादर केलेल्या थरारक व दमदार सलामीने उपस्थितांची मने जिंकली.

**‘गोविंदा आला रे आला…’**च्या जयघोषाने संपूर्ण परिसर दुमदुमून गेला. गोविंदा पथकांच्या शिस्तबद्ध सादरीकरणामुळे आणि जोशपूर्ण सहभागामुळे उत्सवाला विशेष रंगत आली. या दहीहंडी उत्सवाच्या माध्यमातून पारंपरिक संस्कृती, एकजूट आणि युवा शक्तीचा उत्साह अनुभवायला मिळाला.