एमआयडीसीच्या ६४ व्या वर्धापन दिनानिमित्त औद्योगिक विकासाचा गौरव
मुंबई, दि. २ :
महाराष्ट्राच्या औद्योगिक प्रगतीत मोलाचे योगदान देणाऱ्या महाराष्ट्र औद्योगिक विकास महामंडळाच्या (एमआयडीसी) ६४ व्या वर्धापन दिनानिमित्त आयोजित सोहळा उत्साहात संपन्न झाला. या कार्यक्रमास उद्योगमंत्री उदय सामंत प्रमुख उपस्थित होते.
यावेळी एमआयडीसीच्या सर्व अधिकारी व कर्मचाऱ्यांना वर्धापन दिनाच्या शुभेच्छा देताना मंत्री सामंत यांनी महाराष्ट्र आज देशातील औद्योगिक क्षेत्रात अग्रस्थानी असल्याचे सांगितले. या यशाचे श्रेय एमआयडीसीच्या दूरदृष्टीपूर्ण धोरणांना, कार्यक्षम अधिकाऱ्यांना आणि समर्पित कर्मचाऱ्यांना जात असल्याचे त्यांनी नमूद केले.
