कांदा उत्पादक शेतकऱ्यांच्या आंदोलनावरून सरकारवर टीका; “अटक करून प्रश्न सुटणार नाहीत”

कांदा उत्पादक शेतकऱ्यांच्या आंदोलनावरून सरकारवर टीका; “अटक करून प्रश्न सुटणार नाहीत”

कांदा उत्पादक शेतकऱ्यांच्या रास्त मागण्यांकडे दुर्लक्ष करून आंदोलकांना अटक करण्याचा मार्ग सरकारने स्वीकारल्याने संतापाची लाट उसळली आहे. आंदोलन दडपण्यासाठी पोलिसी शक्तीचा वापर केला जात असल्याची टीका आंदोलनकर्त्यांकडून करण्यात येत आहे.

“आपल्या हक्कासाठी आवाज उठवणं हा गुन्हा आहे का?” असा सवाल उपस्थित करत शेतकरी नेत्यांनी सरकारवर निशाणा साधला. आज झालेल्या अटक कारवाईमुळे आंदोलन थांबणार नसून, शेतकऱ्यांच्या एकजुटीमुळेच मुंबईपासून दिल्लीपर्यंत हालचाली सुरू झाल्याचा दावा आंदोलनकर्त्यांनी केला आहे.

उद्या केंद्र सरकारच्या मंत्र्यांसोबत मुख्यमंत्री आणि पणन मंत्र्यांची बैठक होणार असून, हे शेतकरी ऐक्याचं मोठं यश असल्याचं आंदोलनकर्त्यांनी म्हटलं आहे.

दरम्यान, उद्याच्या बैठकीत कांदा उत्पादक शेतकऱ्यांच्या मागण्यांवर ठोस निर्णय न झाल्यास आंदोलन आणखी तीव्र करण्याचा इशाराही देण्यात आला आहे. “पुन्हा रस्त्यावर उतरू आणि त्यानंतर निर्माण होणाऱ्या परिस्थितीची संपूर्ण जबाबदारी सरकारची असेल,” असा इशारा आंदोलनकर्त्यांनी दिला.