रायगड जिल्ह्यात सुरू असलेल्या पावसामुळे नद्यांच्या पाणीपातळीत वाढ होत असून, ३ ऑगस्ट २०२६ रोजी दुपारी ४ वाजेपर्यंतच्या नदी पाणीपातळी अहवालानुसार कुंडलिका नदीने इशारा पातळी ओलांडली आहे. त्यामुळे नदीकाठच्या गावांमधील नागरिकांना सतर्क राहण्याचे आवाहन प्रशासनाने केले आहे.
जिल्ह्यातील काही भागांत गेल्या २४ तासांत झालेल्या जोरदार पावसामुळे नदीपात्रात मोठ्या प्रमाणात पाण्याची आवक वाढली आहे. कुंडलिका नदीची पाणीपातळी इशारा पातळीच्या पुढे गेल्याने आपत्ती व्यवस्थापन यंत्रणा आणि स्थानिक प्रशासनाने परिस्थितीवर बारकाईने लक्ष ठेवले आहे.
नदीकाठच्या नागरिकांनी अनावश्यकपणे नदीपात्रात किंवा पुराच्या पाण्यात जाणे टाळावे, तसेच मासेमारी, पर्यटन आणि धबधब्यांच्या ठिकाणी जाणाऱ्यांनी विशेष काळजी घ्यावी, असे आवाहन करण्यात आले आहे.
प्रशासनाने संबंधित महसूल, पोलीस, आपत्ती व्यवस्थापन आणि ग्रामस्तरीय यंत्रणांना सतर्क राहण्याच्या सूचना दिल्या असून, परिस्थितीचा सातत्याने आढावा घेतला जात आहे.
हवामान विभागानेही पुढील काही तासांत काही भागांत पावसाची तीव्रता कायम राहण्याची शक्यता वर्तविल्याने नागरिकांनी अधिकृत सूचनांचे पालन करावे, असे आवाहन करण्यात आले आहे.
