नाधवडे येथील गूळ उत्पादन प्रकल्पाला जिल्हाधिकारी तृप्ती धोडमिसे यांची भेट

नाधवडे येथील गूळ उत्पादन प्रकल्पाला जिल्हाधिकारी तृप्ती धोडमिसे यांची भेट

कृषीआधारित उद्योगांना चालना देण्याचे आवाहन; गूळनिर्मिती प्रक्रिया आणि उत्पादनाच्या विविध टप्प्यांची घेतली माहिती

वैभववाडी :

सिंधुदुर्ग जिल्हाधिकारी तृप्ती धोडमिसे यांनी वैभववाडी तालुक्यातील नाधवडे येथील अष्टकृपा प्रायव्हेट लिमिटेड या गूळ उत्पादन प्रकल्पाला भेट देऊन तेथील कामकाजाची माहिती घेतली.

सिंधुदुर्ग जिल्ह्यातील पहिला गूळ उद्योग प्रकल्प म्हणून उल्लेख करण्यात येत असलेल्या या प्रकल्पातील गूळनिर्मिती प्रक्रियेची जिल्हाधिकारी धोडमिसे यांनी पाहणी केली. गूळ तयार करण्याची पद्धत, उत्पादनाचे विविध टप्पे आणि प्रकल्पाचे एकूण कामकाज याविषयी त्यांनी माहिती जाणून घेतली.

कृषीआधारित उद्योगांच्या उभारणीवर भर

स्थानिक पातळीवर कृषीआधारित उद्योगांची उभारणी करून उपलब्ध संसाधनांचा प्रभावी वापर करणे आवश्यक आहे. अशा उद्योगांच्या माध्यमातून स्थानिक उत्पादननिर्मितीला चालना मिळू शकते. त्यामुळे शेतकरी आणि उद्योजकांनी अशा प्रकारचे प्रकल्प मोठ्या प्रमाणात सुरू करण्यासाठी प्रयत्न करावेत, असे आवाहन जिल्हाधिकारी तृप्ती धोडमिसे यांनी यावेळी केले.