पालेगाव, अंबरनाथ येथे शिवसेनेचा प्रचार अंतिम टप्प्यात; निवडणूक चुरशीची
अंबरनाथ l
अंबरनाथ विधानसभा मतदारसंघातील निवडणूक अत्यंत चुरशीची ठरत असून प्रचाराचा अंतिम टप्पा सुरू आहे. पालेगाव, अंबरनाथ येथे शिवसेनेच्या वतीने जोरदार प्रचार करण्यात येत असून शिवसैनिकांना गावोगावी उत्स्फूर्त प्रतिसाद मिळत आहे. घरोघरी जाऊन मतदारांशी संवाद साधताना शिवसेनेच्या प्रचारकांचे नागरिकांकडून स्वागत करण्यात येत आहे.
पालेगाव हा शिवसेनेचा बालेकिल्ला म्हणून ओळखला जातो. याठिकाणी शिवसेनेच्या उमेदवाराला भक्कम पाठिंबा मिळेल, असा विश्वास गावातील सुज्ञ मतदार व शिवसैनिकांनी व्यक्त केला आहे. विकासकामे, स्थानिक प्रश्न आणि जनतेशी थेट संवाद यामुळे शिवसेनेबद्दल मतदारांमध्ये सकारात्मक वातावरण निर्माण झाले आहे.
प्रचारादरम्यान शिवसैनिकांनी संघटनात्मक ताकद दाखवत एकजुटीने प्रचार मोहिम राबवली. “शिवसेना म्हणजे सर्वसामान्यांचा आवाज” अशी भावना अनेक मतदारांकडून व्यक्त होत असून, आगामी निवडणुकीत शिवसेनेला भरघोस मतांनी विजयी करण्याचा निर्धार मतदारांनी केला आहे.