बँक ऑफ इंडियामध्ये ५१४ क्रेडिट ऑफिसर पदांची भरती
अनुभवी व्यावसायिकांकडून ऑनलाईन अर्ज मागवले
मुंबई येथे मुख्यालय असलेल्या आणि भारतातील अग्रगण्य सार्वजनिक क्षेत्रातील बँकांपैकी एक असलेल्या बँक ऑफ इंडिया (BOI) ने क्रेडिट क्षेत्रातील अनुभवी व्यावसायिकांसाठी मोठ्या प्रमाणावर भरतीची अधिसूचना जाहीर केली आहे. बँकेकडून जनरल बँकिंग ऑफिसर (GBO) स्ट्रीममधील क्रेडिट ऑफिसर पदांसाठी विविध स्केलमध्ये एकूण ५१४ रिक्त जागा भरल्या जाणार असून, पात्र उमेदवारांकडून ऑनलाईन अर्ज मागविण्यात आले आहेत.
या भरतीसाठी उमेदवारांकडे पात्रता –
चार्टर्ड अकाउंटंट (CA),
कॉस्ट अकाउंटंट (ICWA),
CFA, अथवा फायनान्स / बँकिंगमध्ये MBA किंवा PGDBM अशी पात्रता असणे आवश्यक आहे. तसेच संबंधित क्षेत्रातील पदव्युत्तर अनुभव असलेल्या उमेदवारांना प्राधान्य दिले जाणार आहे. पदानुसार शैक्षणिक पात्रता, अनुभव, वयोमर्यादा, वेतनश्रेणी तसेच निवड प्रक्रिया याबाबतची सविस्तर माहिती अधिकृत भरती जाहिरातीत देण्यात आली आहे.
अर्ज प्रक्रिया पूर्णतः ऑनलाईन असून उमेदवारांनी बँक ऑफ इंडियाच्या अधिकृत संकेतस्थळावर जाऊन अर्ज सादर करावा.
अर्ज करण्याची अंतिम तारीख ५ जानेवारी २०२६ आहे.
निवड प्रक्रिया लेखी परीक्षा, मुलाखत किंवा दोन्ही टप्प्यांद्वारे होण्याची शक्यता आहे. भरतीसंबंधी अधिक माहितीसाठी उमेदवारांनी बँक ऑफ इंडियाच्या अधिकृत वेबसाइटला भेट देण्याचे आवाहन करण्यात आले आहे.