भारतीय सशस्त्र सैन्य दलामध्ये अधिकारी पदाच्या पूर्व प्रशिक्षणाची मोफत सुर्वणसंधी.
भारतीय सैन्यादल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना Combind Defence Service (CDS) या परीक्षेची ची पूर्व तयारी करुन घेण्यासाठी छात्रपूर्व प्रशिक्षण केंद्र, नाशिक रोड, नाशिक येथे महाराष्ट्रातील नवयुवक व नवयुवतींसाठी दि.19 जानेवारी ते 03 एप्रिल 2026 या कालावधीत CDS कोर्स क्रं.66 आयोजित करण्यात येत असून रायगड जिल्ह्यातील इच्छूक उमेदवारांनी या सुवर्णसंधीचा लाभ घ्यावा, असे आवाहन जिल्हा सैनिक कल्याण अधिकारी रायगड – अलिबाग ले. कर्नल राहुल वैजनाथ माने (निवृत) यांनी केले आहे.
रायगड जिल्ह्यातील इच्छुक उमेदवारांनी सैन्या दलातील अधिकारी पदाची संधी उपभोगण्यासाठी जिल्हा सैनिक कल्याण कार्यालय रायगड – अलिबाग येथे दि. 18 जानेवारी 2026 रोजी पूर्वी कार्यालयात येऊन भेटावे. कार्यालयात येण्यापूर्वी येतेवेळी त्यांनी Department of Sainik Welfare, Pune (DSW) यांच्या वेबसाईट वर सर्च करुन त्यामधील CDS – 66 कोर्ससाठी (किंवा संबधित जिल्हा सैनिक कल्याण कार्यालयानें प्रिंट दिलेल्या प्रवेश पत्र व त्यासोबत असलेली परिशिष्टांची प्रिंट घेऊन व ते पुर्ण भरुन सोबत घेऊन यावे.
या सी.डी.एस.वर्गामध्ये प्रवेश मिळण्यासाठी उमेदवार हा कोणत्याही शाखेचा पदवीधर असावा, उमेदवार लोकसंघ आयोग (UPSC) नवी दिल्ली यांच्या मार्फत घेण्यात येणाऱ्या सी.डी.एस.(CDS) या परिक्षेकरिता ऑनलाईनव्दारे अर्ज केलेला असावा. यापैकी कोणतीही एक पात्रता असणे आवश्यक आहे व त्यासंबधीचे पात्रता प्रमाणपत्र प्रशिक्षण वर्गाला येताना सोबत घेवून यावेत.
अधिक माहितीसाठी प्रभारी अधिकारी, छात्रपूर्व प्रशिक्ष्ण केंद्र, नाशिक रोड, नाशिक यांचा ई-मेल आय डी : [email protected], [email protected] व दुरध्वनी क्रं. 0253-2451032 किंवा व्हॉटसअप क्रं. 9156073306 वर कार्यालयील वेळेत प्रत्यक्ष अथवा दुरध्वनीवर संपर्क करावा.
कोर्स कालावधीत प्रशिक्षणार्थींना नि:शुल्क प्रशिक्षण, निवास, व भोजन दिले जाणार आहे.