महाराष्ट्रात मतदार गणना अर्जांचे वितरण व डिजिटायझेशन अंतिम टप्प्यात

महाराष्ट्रात मतदार गणना अर्जांचे वितरण व डिजिटायझेशन अंतिम टप्प्यात

३१ जुलैपर्यंतची स्थिती जाहीर

मुंबई :

भारत निवडणूक आयोगाच्या विशेष सखोल मतदार यादी पुनरिक्षण (SIR) अभियानांतर्गत महाराष्ट्रातील मतदारनिहाय गणना अर्ज (Enumeration Forms – EFs) वितरण आणि डिजिटायझेशन प्रक्रियेला वेग आला असून ३१ जुलै २०२६ पर्यंतची अद्ययावत आकडेवारी जाहीर करण्यात आली आहे.

राज्यातील सर्व विधानसभा मतदारसंघांमध्ये बूथस्तर अधिकारी (BLO) घराघरांत जाऊन मतदार पडताळणीचे काम करत असून, मतदारांकडून प्राप्त झालेले गणना अर्ज डिजिटायझेशन प्रक्रियेत समाविष्ट करण्यात येत आहेत. मतदार याद्या अधिक अचूक, पारदर्शक आणि अद्ययावत करण्याच्या उद्देशाने ही मोहीम राबविण्यात येत आहे.

निवडणूक आयोगाच्या निर्देशानुसार वितरण आणि डिजिटायझेशनची प्रक्रिया निर्धारित कालावधीत पूर्ण करण्यासाठी राज्यातील सर्व जिल्हा प्रशासन, निवडणूक यंत्रणा आणि बीएलओ युद्धपातळीवर कार्यरत आहेत. यामुळे आगामी निवडणुकांसाठी अधिक विश्वसनीय आणि त्रुटीमुक्त मतदार यादी तयार होण्यास मदत होणार आहे.

मतदारांनीही आपली माहिती पडताळून आवश्यक कागदपत्रे वेळेत सादर करून या प्रक्रियेस सहकार्य करावे, असे आवाहन प्रशासनाने केले आहे.