मुंबई प्रेस क्लबच्या निवडणुकीसाठी उत्स्फूर्त मतदान; निकालाकडे पत्रकारांचे लक्ष

मुंबई प्रेस क्लबच्या निवडणुकीसाठी उत्स्फूर्त मतदान; निकालाकडे पत्रकारांचे लक्ष

मुंबई, दि. २४ जुलै :

मुंबई प्रेस क्लबच्या कार्यकारिणी निवडणुकीसाठी शुक्रवारी (२४ जुलै) उत्साहपूर्ण वातावरणात मतदान पार पडले. यंदाच्या निवडणुकीत ‘पीडीए’ (PDA) आणि ‘सेव्ह द प्रेस क्लब अलायन्स’ (Save the Press Club Alliance) या दोन प्रमुख पॅनलमध्ये थेट लढत होत आहे.

सकाळपासूनच मतदान केंद्रावर पत्रकार, छायाचित्रकार आणि प्रेस क्लबचे सदस्य यांनी मोठ्या संख्येने हजेरी लावली. मतदान प्रक्रियेदरम्यान उत्साहाचे वातावरण पाहायला मिळाले असून सदस्यांनी उत्स्फूर्त प्रतिसाद देत आपला मतदानाचा हक्क बजावला.

मुंबईतील पत्रकारांच्या प्रतिष्ठेची संस्था असलेल्या मुंबई प्रेस क्लबच्या निवडणुकीकडे माध्यम क्षेत्राचे विशेष लक्ष लागले आहे. दोन्ही पॅनलने निवडणुकीपूर्वी विविध मुद्द्यांवर प्रचार करत सदस्यांचा पाठिंबा मिळविण्यासाठी प्रयत्न केले होते.

आता मतदान प्रक्रिया पूर्ण झाल्यानंतर सर्वांचे लक्ष मतमोजणी आणि अंतिम निकालाकडे लागले असून, नव्या कार्यकारिणीची धुरा कोणाच्या हाती जाणार याबाबत उत्सुकता वाढली आहे.