मुख्यमंत्र्यांच्या हस्ते वर्षा निवासस्थानी ध्वजवंदन
भारताच्या ७७ व्या प्रजासत्ताक दिनानिमित्त मुख्यमंत्री देवेंद्र फडणवीस यांनी मुंबईतील वर्षा या शासकीय निवासस्थानी राष्ट्रध्वज फडकवून ध्वजवंदन केले. यावेळी त्यांनी राज्यातील सर्व नागरिकांना प्रजासत्ताक दिनाच्या मनःपूर्वक शुभेच्छा दिल्या.
या प्रसंगी महाराष्ट्र पोलीस दलाच्या वतीने राष्ट्रगीत व राज्यगीत सादर करण्यात आले. त्यानंतर पोलीस दलाने राष्ट्रध्वजास सलामी देत मानवंदना दिली. संविधानिक मूल्ये, लोकशाही आणि राष्ट्रीय एकात्मता जपण्याचा संकल्प यावेळी व्यक्त करण्यात आला. प्रजासत्ताक दिनानिमित्त आयोजित या कार्यक्रमात संविधानातील मूल्ये जपण्याचा आणि राज्याच्या सर्वांगीण विकासासाठी कटिबद्ध राहण्याचा संकल्प व्यक्त करण्यात आला. या सोहळ्यामुळे नागरिकांमध्ये देशभक्तीची भावना अधिक दृढ झाली.