म्यानमारचे राष्ट्राध्यक्ष यू मीन आँग ह्लाइंग यांचे मुंबईत आगमन
म्यानमारचे राष्ट्राध्यक्ष यू मीन आँग ह्लाइंग यांचे मुंबईत आगमन
राज्यपाल जिष्णु देव वर्मा यांनी केले स्वागत
मुंबई — म्यानमारचे राष्ट्राध्यक्ष यू मीन आँग ह्लाइंग यांचे शिष्टमंडळासह मुंबईतील छत्रपती शिवाजी महाराज आंतरराष्ट्रीय विमानतळावर आगमन झाले. त्यांच्या स्वागतासाठी राज्य शासनाच्या वतीने विशेष व्यवस्था करण्यात आली होती.
राज्यपाल जिष्णु देव वर्मा यांनी राष्ट्राध्यक्ष यू मीन आँग ह्लाइंग यांचे पुष्पगुच्छ देऊन औपचारिक स्वागत केले. यावेळी राजशिष्टाचार मंत्री जयकुमार रावल, भारतातील म्यानमारचे राजदूत अभय ठाकूर, सचिव तथा मुख्य राजशिष्टाचार अधिकारी डॉ. राजेश गवांदे, मुंबईचे अतिरिक्त पोलीस आयुक्त अभिनव देशमुख, मुंबई उपनगरचे जिल्हाधिकारी सौरभ कटियार तसेच म्यानमारचे महावाणिज्यदूत मोहनराव पिंपळे आदी मान्यवर उपस्थित होते.
राष्ट्राध्यक्षांच्या या दौऱ्याला भारत-म्यानमार संबंधांच्या दृष्टीने महत्त्वाचे मानले जात असून विविध विषयांवर चर्चा आणि सहकार्याच्या संधींना या भेटीद्वारे चालना मिळण्याची अपेक्षा व्यक्त करण्यात येत आहे.
मुंबई विमानतळावर राष्ट्राध्यक्ष आणि त्यांच्या शिष्टमंडळाचे स्वागत पारंपरिक शिष्टाचारानुसार करण्यात आले. या दौऱ्यादरम्यान विविध कार्यक्रम आणि बैठका आयोजित करण्यात आल्याची माहिती सूत्रांनी दिली.
