विद्यार्थी व पालकांसाठी महत्त्वाची सूचना : LC आणि मार्कलिस्टसाठी कोणतेही शुल्क आकारता येणार नाही
विद्यार्थी व पालकांसाठी महत्त्वाची सूचना : LC आणि मार्कलिस्टसाठी कोणतेही शुल्क आकारता येणार नाही
मुंबई : इयत्ता १०वी, ११वी आणि १२वी च्या विद्यार्थी व पालकांसाठी महत्त्वाची माहिती समोर आली आहे. महाराष्ट्र शासनाच्या शिक्षण संचालकालयाने जारी केलेल्या स्पष्ट निर्देशांनुसार, शाळा सोडल्याचा दाखला (LC/TC) आणि गुणपत्रिका (मार्कलिस्ट) देताना कोणतीही रक्कम आकारता येणार नाही.
नवीन परिपत्रकानुसार विद्यार्थ्यांना आवश्यक शैक्षणिक कागदपत्रे विनामूल्य उपलब्ध करून देणे बंधनकारक करण्यात आले आहे. त्यामुळे कोणत्याही शाळेने दाखला किंवा मार्कलिस्ट देण्यासाठी शुल्काची मागणी केल्यास संबंधित शिक्षण अधिकाऱ्यांकडे तक्रार करण्याचे आवाहन करण्यात आले आहे.
शिक्षण विभागाने स्पष्ट केले आहे की विद्यार्थ्यांना त्यांचे शैक्षणिक हक्क सहजपणे मिळावेत, यासाठी हा निर्णय घेण्यात आला असून नियमांचे उल्लंघन करणाऱ्या शाळांवर कारवाई करण्यात येऊ शकते.
