सिंधुदुर्गात २९ सप्टेंबरला ११ ठिकाणी ‘रोजगार महाकुंभ’; १,६१६ रिक्त पदांसाठी संधी
सिंधुदुर्गात २९ सप्टेंबरला ११ ठिकाणी ‘रोजगार महाकुंभ’; १,६१६ रिक्त पदांसाठी संधी
सिंधुदुर्ग :
जिल्ह्यातील बेरोजगार युवक-युवतींसाठी रोजगाराची मोठी संधी उपलब्ध झाली असून, २९ सप्टेंबर २०२६ रोजी सिंधुदुर्ग जिल्ह्यातील ११ ठिकाणी ‘रोजगार महाकुंभ’ आयोजित करण्यात आला आहे. या उपक्रमातून विविध आस्थापना व कंपन्यांमधील तब्बल १ हजार ६१६ रिक्त पदांसाठी उमेदवारांना रोजगाराची संधी मिळणार आहे.
या रोजगार महाकुंभामध्ये विविध क्षेत्रांतील कंपन्या व आस्थापना सहभागी होणार असून, पात्र उमेदवारांना त्यांच्या शैक्षणिक पात्रता, कौशल्य आणि अनुभवाच्या आधारे उपलब्ध पदांसाठी मुलाखत व निवड प्रक्रियेत सहभागी होता येणार आहे.
जिल्ह्यातील अधिकाधिक बेरोजगार युवक-युवतींनी या रोजगार महाकुंभाचा लाभ घ्यावा आणि उपलब्ध रोजगाराच्या संधीचा उपयोग करून आपल्या करिअरला दिशा द्यावी, असे आवाहन करण्यात आले आहे.
२९ सप्टेंबर रोजी जिल्ह्यातील ११ ठिकाणी एकाच वेळी होणाऱ्या या रोजगार महाकुंभामुळे स्थानिक युवकांना रोजगाराच्या संधी उपलब्ध करून देण्यास मदत होणार आहे.
