हुमरमळा-वालावल गावात ग्रामीण कृषी कार्यानुभव कार्यक्रमास प्रारंभ
News :
Kudal तालुक्यातील हुमरमळा-वालावल गावात Mulde College of Horticulture यांच्या ग्रामीण कृषी कार्यानुभव कार्यक्रमास प्रारंभ झाला असून महाविद्यालयातील विद्यार्थी पुढील सहा महिने गावात वास्तव्यास राहून शेती आणि ग्रामीण जीवनाचा अभ्यास करणार आहेत.
या निमित्ताने विद्यार्थ्यांनी हुमरमळा-वालावल ग्रामपंचायत कार्यालयाला भेट दिली. यावेळी सरपंच Amrut Desai यांनी विद्यार्थ्यांचे स्वागत केले. तसेच ग्रामविकास अधिकारी अपर्णा पाटील, उपसरपंच रश्मी वालावलकर, ग्रामपंचायत सदस्या हेमांगी कद्रेकर, सदस्य मितेश वालावलकर आणि विरेंद्र सावंत उपस्थित होते.
विद्यार्थ्यांनी ग्रामीण कृषी कार्यानुभव कार्यक्रमाचे महत्त्व, शेतकऱ्यांना होणारे फायदे तसेच आधुनिक शेतीविषयक माहिती गावातील शेतकऱ्यांपर्यंत पोहोचविण्याबाबत माहिती दिली. यावेळी महाविद्यालयाचे अधिकृत पत्र सरपंच अमृत देसाई यांच्याकडे सुपूर्द करण्यात आले.
या कार्यक्रमात सृष्टी देशमुख, सिध्दी कांबळे, वैष्णवी पवळ, स्नेहल गरंडे, शालिनी पारधी, धनश्री वणकर, माधवी रटाटे आणि श्रुती शिरगुरे या विद्यार्थिनी सहभागी झाल्या आहेत. त्या पुढील सहा महिन्यांत गावातील शेती पद्धती, पीक व्यवस्थापन, शेतकऱ्यांच्या अडचणी आणि कृषी विकास यांसारख्या विविध विषयांचा अभ्यास करणार आहेत.
या उपक्रमामुळे शेतकऱ्यांना आधुनिक कृषी तंत्रज्ञान, पीक संरक्षण आणि कृषीविषयक नव्या माहितीचा लाभ होणार असून गावातील शेतकऱ्यांनी विद्यार्थ्यांना सहकार्य करावे, असे आवाहन पंचायत समिती सदस्या अर्चना बंगे यांनी केले आहे.