लालपरीची दुसरी अष्टविनायक यात्रा जाहीर
मुंबई : लालपरीच्या पहिल्या अष्टविनायक यात्रेला भाविकांकडून मिळालेल्या उत्स्फूर्त आणि भरघोस प्रतिसादानंतर आता दुसरी अष्टविनायक यात्रा आयोजित करण्यात येणार आहे. या नव्या यात्रेमुळे पुन्हा एकदा भाविकांना लालपरीतून अष्टविनायक दर्शनाची संधी उपलब्ध होणार आहे.
पहिल्या यात्रेला मिळालेल्या यशामुळे आणि भाविकांकडून वाढत्या मागणीमुळे ही दुसरी यात्रा सुरू करण्याचा निर्णय घेण्यात आल्याचे समजते. सुरक्षित, सोयीस्कर आणि नियोजित प्रवासामुळे या यात्रेला चांगला प्रतिसाद मिळत आहे. त्यामुळे दुसऱ्या अष्टविनायक यात्रेकडेही भाविकांचे लक्ष लागले आहे.