जेजुरीतील ‘भंडारा’ वापराबाबत विशेष धोरण ठरणार
भाविकांच्या आरोग्याला प्राधान्य
जेजुरी :
अन्न व औषध प्रशासन मंत्री नरहरी झिरवाळ(Narahari Zirwal) यांनी जेजुरीतील ‘भंडारा’ वापराबाबत भाविकांच्या आरोग्याच्या दृष्टीने विशेष धोरण निश्चित करण्यात येणार असल्याची माहिती दिली आहे.
जेजुरी (Jejuri ) येथे धार्मिक परंपरेनुसार मोठ्या प्रमाणात भंडाऱ्याचा वापर केला जातो. मात्र, यामुळे आरोग्यावर होणारे संभाव्य परिणाम लक्षात घेऊन अन्न व औषध प्रशासन विभागाकडून योग्य उपाययोजना आणि मार्गदर्शक तत्त्वे तयार करण्यात येणार आहेत.
भाविकांच्या सुरक्षिततेला प्राधान्य देत भंडाऱ्यात वापरल्या जाणाऱ्या घटकांची गुणवत्ता, सुरक्षितता आणि आरोग्यविषयक निकष यांचा अभ्यास करून धोरण आखण्यात येणार असल्याचे मंत्री नरहरी झिरवाळ यांनी स्पष्ट केले.
या निर्णयामुळे धार्मिक परंपरा जपत भाविकांच्या आरोग्याचे संरक्षण करण्याचा प्रयत्न करण्यात येणार असल्याची प्रतिक्रिया व्यक्त होत आहे.