रायगड शौचालय दुरावस्था : प्राधिकरण नव्हे, पुरातत्त्व विभाग जबाबदार – संभाजीराजे
रायगड, प्रतिनिधी : रायगड किल्ल्यावर असलेल्या शौचालयांच्या दुरावस्थेप्रकरणी रायगड विकास प्राधिकरणावर होत असलेल्या टीकेबाबत नाराजी व्यक्त करत अध्यक्ष युवराज संभाजी महाराज. (Yuvraj Sambhaji Maharaj ) यांनी प्राधिकरणाची भूमिका स्पष्ट केली आहे. रायगडावरील शौचालयांच्या देखभालीसाठी पुरातत्त्व विभाग आणि रायगड जिल्हा परिषद जबाबदार असून, विनाकारण रायगड विकास प्राधिकरणाला रोषास सामोरे जावे लागत असल्याचे त्यांनी म्हटले आहे.
युवराज संभाजीराजे यांनी सांगितले की, रायगड विकास प्राधिकरणाची कार्यकक्षा केवळ संवर्धन, विकासकामे आणि मूलभूत सुविधांची निर्मिती यापुरती मर्यादित आहे. प्राधिकरणाकडून उभारण्यात आलेल्या सुविधा संबंधित यंत्रणांकडे हस्तांतरित केल्यानंतर त्यांच्या देखभाल-दुरुस्तीची जबाबदारी त्या विभागांची असते.
