कोल्हापूरमध्ये ६ जुलै रोजी जिल्हाधिकारी लोकशाही दिन
करवीर व आजरा तहसील कार्यालयात १५ जून रोजी लोकशाही दिन
कोल्हापूर, प्रतिनिधी : नागरिकांच्या शासकीय तक्रारी आणि समस्यांचे तत्काळ निवारण करण्याच्या उद्देशाने करवीर व आजरा तहसील कार्यालयात सोमवार, १५ जून रोजी लोकशाही दिनाचे आयोजन करण्यात आले आहे. नागरिकांनी आपल्या शासकीय कामकाजासंदर्भातील तक्रारी लेखी स्वरूपात दोन प्रतींमध्ये सादर करून या उपक्रमाचा लाभ घ्यावा, असे आवाहन प्रशासनाने केले आहे.
प्रत्येक महिन्याच्या तिसऱ्या सोमवारी तालुका लोकशाही दिन साजरा केला जातो. त्यानुसार १५ जून रोजी सकाळी ११ वाजता करवीर तहसील कार्यालय तसेच प्रशासकीय इमारतीतील तहसीलदार कार्यालय, आजरा येथे लोकशाही दिन आयोजित करण्यात आला आहे.
या लोकशाही दिनामध्ये महसूल, प्रमाणपत्रे, जमीनविषयक प्रकरणे, शासकीय योजनांचा लाभ, विविध विभागांशी संबंधित तक्रारी आणि नागरिकांच्या प्रलंबित प्रश्नांवर सुनावणी घेऊन त्यांचे निराकरण करण्याचा प्रयत्न केला जाणार आहे.
नागरिकांनी आपल्या तक्रारी आवश्यक कागदपत्रांसह दोन प्रतींमध्ये सादर कराव्यात, असे आवाहन करवीर व आजरा तहसील प्रशासनाने केले आहे.
