आळंदीत नूतन पालखी रथाचे विधिवत पूजन
श्री ज्ञानेश्वर महाराज संस्थान कमिटीचा धार्मिक सोहळा संपन्न
आळंदी प्रतिनिधी
श्री ज्ञानेश्वर महाराज संस्थान कमिटी, आळंदी यांच्या वतीने नूतन पालखी रथाचे आज विधिवत पूजन करण्यात आले. वैदिक मंत्रोच्चार आणि धार्मिक वातावरणात पार पडलेल्या या सोहळ्याला संस्थान कमिटीचे पदाधिकारी, मान्यवर तसेच वारकरी भाविक मोठ्या संख्येने उपस्थित होते.
नूतन पालखी रथाचे पूजन पारंपरिक पद्धतीने करण्यात आले. यावेळी श्री संत ज्ञानेश्वर महाराजांच्या पालखी सोहळ्याची गौरवशाली परंपरा जपत नव्या रथाच्या माध्यमातून वारकरी संप्रदायाची सेवा अधिक सक्षमपणे करण्याचा संकल्प व्यक्त करण्यात आला.
या प्रसंगी उपस्थित भाविकांनी नूतन पालखी रथाचे दर्शन घेत भक्तिभावाने पूजा-अर्चा केली. धार्मिक उत्साह आणि भक्तिमय वातावरणात हा सोहळा संपन्न झाला.
