इंडियन ऑइलमध्ये ३९४ पदांसाठी भरती जाहीर
ऑनलाइन अर्जांना सुरुवात
नवी दिल्ली : भारत सरकारच्या अखत्यारीतील महारत्न सार्वजनिक क्षेत्रातील उपक्रम इंडियन ऑइल कॉर्पोरेशन लिमिटेड (IOCL) ने ज्युनियर इंजिनिअरिंग असिस्टंट–IV, ज्युनियर टेक्निकल असिस्टंट–IV आणि ज्युनियर क्वालिटी कंट्रोल ॲनालिस्ट–IV या पदांसह एकूण ३९४ अराजपत्रित पदांसाठी भरती प्रक्रिया जाहीर केली आहे.
ही भरती आसाम, बिहार, गुजरात, पश्चिम बंगाल, उत्तर प्रदेश, हरियाणा आणि ओडिशा येथील इंडियन ऑइलच्या विविध रिफायनरी व पेट्रो-केमिकल युनिट्समध्ये करण्यात येणार आहे.
संबंधित पदांसाठी आवश्यक डिप्लोमा किंवा बी.एस्सी. पात्रता धारण करणाऱ्या उमेदवारांना ऑनलाइन अर्ज करण्याचे आवाहन करण्यात आले आहे. अर्ज प्रक्रिया २० डिसेंबर २०२५ पासून सुरू होऊन ९ जानेवारी २०२६ पर्यंत चालणार आहे.
अधिक माहिती, पात्रता अटी आणि अर्जासाठी उमेदवारांनी इंडियन ऑइलच्या अधिकृत संकेतस्थळाला भेट द्यावी, असे आवाहन कंपनीकडून करण्यात आले आहे.