ऐरोली व बेलापूर विधानसभा मतदारसंघात आज व उद्या विशेष एसआयआर कॅम्प
नवी मुंबई :
भारत निवडणूक आयोगाच्या आदेशानुसार मतदार याद्यांच्या विशेष सखोल पुनरीक्षण (Special Intensive Revision – SIR) कार्यक्रमांतर्गत नवी मुंबईतील १५० ऐरोली आणि १५१ बेलापूर विधानसभा मतदारसंघांमध्ये शनिवार (२५ जुलै) व रविवार (२६ जुलै) असे दोन दिवस विशेष एसआयआर कॅम्प आयोजित करण्यात आले आहेत.
मा. महापालिका आयुक्तांच्या निर्देशानुसार मतदार यादी पुनरीक्षणाचे काम अधिक नियोजनबद्ध व प्रभावीपणे पार पाडण्यासाठी हे विशेष कॅम्प आयोजित करण्यात आले असून, दोन्ही दिवस नागरिकांच्या सोयीसाठी संबंधित मतदार यादी भाग क्रमांकाचे बीएलओ (Booth Level Officer) कॅम्पस्थळी उपस्थित राहणार आहेत.
