जागतिक म्युझियम डे निमित्त कडवई येथे सतीशिळा स्मारकाचे उद्घाटन
जागतिक म्युझियम डे निमित्त कडवई येथे सतीशिळा स्मारकाचे उद्घाटन
रत्नागिरी, ता. संगमेश्वर : जागतिक म्युझियम डेचे औचित्य साधून १८ मे रोजी रत्नागिरी जिल्ह्यातील संगमेश्वर तालुक्यातील कडवई या ऐतिहासिक गावात सतीशिळा स्मारकाचे उद्घाटन करण्यात आले. कोकणातील सांस्कृतिक आणि ऐतिहासिक वारशाचे जतन करण्याच्या दृष्टीने हा उपक्रम महत्त्वपूर्ण मानला जात आहे.
कडवई हे गाव ऐतिहासिक सतीशिळांसाठी ओळखले जाते. या स्मारकाच्या माध्यमातून कोकणातील प्राचीन इतिहास, लोकपरंपरा आणि वारसा भावी पिढ्यांपर्यंत पोहोचवण्याचा प्रयत्न करण्यात आला आहे.
कोकणात भटकंतीसाठी येणाऱ्या पर्यटकांनी, इतिहासप्रेमींनी आणि संशोधकांनी या स्मारकाला अवश्य भेट द्यावी, असे आवाहन स्थानिकांकडून करण्यात येत आहे. नैसर्गिक सौंदर्याबरोबरच ऐतिहासिक वारसा जपणाऱ्या कडवई गावामुळे कोकण पर्यटनाला एक नवे आकर्षण प्राप्त झाले आहे.
