त्रिपुरा-आसामला रेल्वेची नवी गती; आगरतळा–करीमगंज दरम्यान MEMU रेल्वे सेवा सुरू

त्रिपुरा-आसामला रेल्वेची नवी गती; आगरतळा–करीमगंज दरम्यान MEMU रेल्वे सेवा सुरू

नवी दिल्ली प्रतिनिधी

ईशान्य भारतातील रेल्वे संपर्क अधिक सक्षम करण्याच्या दिशेने महत्त्वाचे पाऊल उचलत त्रिपुराची राजधानी आगरतळा आणि दक्षिण आसाममधील करीमगंज यांना जोडणारी इलेक्ट्रिक मल्टिपल युनिट (MEMU) रेल्वे सेवा सुरू करण्यात आली आहे.

या नवीन सेवेमुळे त्रिपुरा आणि दक्षिण आसाममधील प्रवाशांना जलद, सुरक्षित आणि किफायतशीर प्रवासाचा पर्याय उपलब्ध होणार आहे. तसेच दैनंदिन प्रवासी, विद्यार्थी, व्यापारी आणि नोकरदारांना या सेवेचा मोठा लाभ मिळण्याची अपेक्षा व्यक्त केली जात आहे.

ईशान्य भारतातील रेल्वे पायाभूत सुविधा मजबूत करण्याच्या केंद्र सरकारच्या प्रयत्नांना या सेवेमुळे आणखी बळ मिळणार असून, प्रादेशिक संपर्क, व्यापार आणि पर्यटनालाही चालना मिळेल. रेल्वेच्या विद्युतीकरणानंतर सुरू झालेली ही MEMU सेवा पर्यावरणपूरक वाहतुकीलाही प्रोत्साहन देणारी ठरणार आहे.

रेल्वे प्रशासनाच्या या उपक्रमामुळे त्रिपुरा आणि आसाममधील नागरिकांसाठी दैनंदिन प्रवास अधिक सुलभ आणि आरामदायी होणार असल्याचे सांगण्यात आले आहे.