सिंगापूरमध्ये महाराष्ट्र मंडळात उत्साहात गणेशोत्सव

सिंगापूरमध्ये महाराष्ट्र मंडळात उत्साहात गणेशोत्सव

महाराष्ट्राची संस्कृती, परंपरा आणि कलागुणांचा जागर

सिंगापूर :

महाराष्ट्र मंडळ, सिंगापूर येथे गणेशोत्सव २०२६ मोठ्या उत्साहात आणि भक्तिमय वातावरणात साजरा करण्यात येत आहे. गणेशोत्सवानिमित्त १६ सप्टेंबर रोजी विविध सांस्कृतिक कार्यक्रमांचे आयोजन करण्यात आले. या कार्यक्रमांमध्ये सहभागी होऊन उल्लेखनीय कामगिरी करणाऱ्या पारितोषिक विजेत्यांचा यावेळी सत्कार करण्यात आला.

फोटो श्रेय : प्राची जोगळेकर, भूषण जोगल व संजीव देव

परदेशात राहूनही महाराष्ट्राची संस्कृती, परंपरा आणि पारंपरिक कलागुण जपण्यासाठी महाराष्ट्र मंडळ, सिंगापूरकडून विविध उपक्रम राबविले जात आहेत. गणेशोत्सवाच्या माध्यमातून महाराष्ट्रातील सांस्कृतिक परंपरांचा परिचय नव्या पिढीला करून देण्याचा हा प्रयत्न विशेष उल्लेखनीय ठरत आहे.

अशा उपक्रमांमुळे सिंगापूरमध्ये वाढणाऱ्या मराठी तसेच भारतीय वंशाच्या नव्या पिढीमध्ये महाराष्ट्राच्या संस्कृतीविषयी ओळख, आत्मीयता आणि आवड निर्माण होण्यास मदत होत आहे. परदेशातही मराठी संस्कृतीची परंपरा जपण्याचे कार्य महाराष्ट्र मंडळाकडून उत्साहाने सुरू आहे.