‘सेवा संकल्प अभियान’ अंतर्गत रायगडमध्ये नवीन महिला बचतगट नोंदणी व बँक खाते उघडण्याची मोहीम
रायगड :
‘सेवा संकल्प अभियान’ अंतर्गत रायगड जिल्ह्यातील सर्व तालुक्यांमध्ये नवीन महिला बचतगटांची नोंदणी तसेच नव्याने स्थापन झालेल्या महिला बचतगटांचे बँक खाते उघडण्याची विशेष मोहीम हाती घेण्यात आली आहे. महिलांना संघटित करून त्यांना आर्थिकदृष्ट्या सक्षम करण्याच्या उद्देशाने ही मोहीम राबविण्यात येत आहे.
या अभियानाच्या माध्यमातून अधिकाधिक महिलांना बचतगटाच्या माध्यमातून आर्थिक व्यवहार, बचत, बँकिंग सुविधा आणि विविध शासकीय योजनांशी जोडण्याचा प्रयत्न केला जाणार आहे. नवीन महिला बचतगटांची नोंदणी करून त्यांची बँक खाती उघडल्यामुळे महिलांना आर्थिक उपक्रमांसाठी संस्थात्मक आधार मिळण्यास मदत होणार आहे.
