PUC प्रमाणपत्राच्या शुल्कात २० टक्के वाढ; दुचाकीसाठी आता ₹६०
महाराष्ट्र परिवहन विभागाची सुधारित शुल्करचना; निर्धारित दरापेक्षा अधिक शुल्क आकारल्यास कारवाई
मुंबई : महाराष्ट्र परिवहन विभागाने वाहनांच्या प्रदूषण नियंत्रण प्रमाणपत्र (PUC) शुल्कात २० टक्के वाढ केली आहे. नव्या शुल्करचनेनुसार वाहनमालकांना आता PUC प्रमाणपत्रासाठी अधिक शुल्क मोजावे लागणार आहे.
सुधारित शुल्कानुसार दुचाकीसाठी ₹६०, पेट्रोलवर चालणाऱ्या तीनचाकी वाहनांसाठी ₹१२०, पेट्रोल/सीएनजी चारचाकी वाहनांसाठी ₹१५०, तर डिझेल वाहनांसाठी ₹१८० शुल्क आकारले जाणार आहे.
सुधारित शुल्करचना
- दुचाकी : ₹६० — पूर्वी ₹५०
-
पेट्रोल तीनचाकी : ₹१२० — पूर्वी ₹१००
-
पेट्रोल/सीएनजी चारचाकी : ₹१५० — पूर्वी ₹१२५
-
डिझेल वाहने : ₹१८० — पूर्वी ₹१५०
परिवहन विभागाने सर्व अधिकृत PUC केंद्रांना सुधारित शुल्काचे दर स्पष्टपणे प्रदर्शित करणे बंधनकारक केले आहे. वाहनमालकांकडून निर्धारित दरापेक्षा अधिक शुल्क आकारता येणार नाही.
राज्यातील PUC केंद्रांमध्ये सुधारित दरांची अंमलबजावणी होत आहे की नाही, यावर भरारी पथकांकडून देखरेख केली जाणार आहे. त्यामुळे वाहनमालकांनी PUC प्रमाणपत्र घेताना अधिकृत केंद्रावर दर्शविलेल्या दरानुसारच शुल्क भरावे, असे आवाहन करण्यात आले आहे.